主页 > R派生活 >观塘 成业街 !玩味呃Like滋味行! >

观塘 成业街 !玩味呃Like滋味行!

R派生活 2020-08-05
问世间呃Like为何物,教现今世人生死相许,衣食住行生活每一部份都要呃Like,今集嘅工厦食玩王就同大家嚟到 观塘 成业街嘅成运工业大厦及成业工业大厦,不论係Workshop、玩物定餐厅同样呃Like度爆灯!

 

1.猫星球歎喵甜食

刚开张的这家猫Cafe,由两位90后姊妹花创办,姊姊Kiana笑言两姊妹太爱猫,愈养愈多,屋企唔够之间下索性开此猫Cafe,Cafe共6只驻场猫猫公关陪大家,除此之外,Kiana仲提供自家製甜食和饮品,其中Minions造型香蕉瑞士卷近日就好受欢迎!

 观塘 成业街 !玩味呃Like滋味行!
6只猫公关精灵乖巧又痴人,好可爱!
 观塘 成业街 !玩味呃Like滋味行!
店主姊妹同为猫痴,採访期间都只係挂住serve班喵星人。
 观塘 成业街 !玩味呃Like滋味行!
Minions造型香蕉瑞士卷(随入场套餐附送)
 观塘 成业街 !玩味呃Like滋味行!
宇治金时瑞士卷(随入场套餐附送)

Catnap

价钱:入场费$50首1小时(包饮品一杯);入场费$80首1小时(包饮品一杯,甜品或小食一份);其后每小时$30

地址:观塘成业街19-21号成业工业大厦1021室

营业时间:12pm – 9pm;逢星期四休息

查询:6974 1376

网址

2.Kawaii卡通蛋糕班

Cupcakes班就周街都係,不过要好似呢间Cafe嘅店主Yam咁,无论任何卡通人物都做得咁维肖维妙之余,仲保持到蛋糕水準嘅导师就唔係咁易搵!净係想食唔想学整嘅朋友,同样可以嚟呢度食到每日限定卷蛋、Cupcakes同其他轻食,一样咁呃Like!

 观塘 成业街 !玩味呃Like滋味行!
卡通Cupcakes班 $250/位;亲子班 $350(1成人1小童)
 观塘 成业街 !玩味呃Like滋味行!
9月份仲特设中秋曲奇班$300/位
 观塘 成业街 !玩味呃Like滋味行!
卷蛋班$350/位;亲子班 $450(1成人1小童)

Happy Corner cakes cookies gallery

价钱:卡通Cupcakes班 $250/位;亲子班 $350(1成人1小童);卷蛋班$350/位;亲子班 $450(1成人1小童)

地址:观塘成业街19-21号成业工业大厦213室

营业时间:11:30am – 7:30pm (星期一至五);1pm – 6:30pm (星期六);星期日及公众假期敬请预约

查询:9189 9120

Facebook

3.Cupcake手工肥皂班

觉得卡通cupcake都係普通咗?咁你仲可以上埋呢度嘅手工肥皂班,有机肥皂设计师Ankoe将肥皂变成不同样貌,眼前精緻的手工艺品,好似巴黎铁塔、毛毛球同Cupcake,原来全部都係手工肥皂,太有趣了吧?

 观塘 成业街 !玩味呃Like滋味行!
Cupcake皂 (高级班) $420/位包2件肥皂 cupcake皂除了用作洗澡外还可以作为客厅睡房的香味摆设。
 观塘 成业街 !玩味呃Like滋味行!
眼前咁细緻嘅巴黎铁塔Figure其实係肥皂,最啱送俾成日话要去法国嘅猪妹。
 观塘 成业街 !玩味呃Like滋味行!
苹果酥造型一样无难度!

Koe Latte

价钱:$230 – $480(视乎肥皂种类)

地址:观塘成业街15-17号成运工业大厦10楼01B室

查询及报名

4.全港唯一足球机中心

呃Like嚟讲,女士要男士亦得!但除咗show下muscle同条人鱼线之外,仲有咩选择?不如试下嚟全港唯一呢间足球机中心,同巴打切磋下球技,仲可以向馆主,即係全港排名第一嘅足球机球手蔡裕恆请较一下球技,如此男人的浪漫,网上巴打仲唔俾个Like你咩?

 观塘 成业街 !玩味呃Like滋味行!
足球机中心有4-5部足球机,每部最多可6人对战,中心每星期都会有特别Event俾各路高手参加!
 观塘 成业街 !玩味呃Like滋味行!
话说阿恆嘅射球快到要Slow Motion先睇到清呀!
 观塘 成业街 !玩味呃Like滋味行!
除咗足球机中心,阿恆会做埋足球机租借服务!

Matchpoint

价钱:$40 (首1小时;随后$5每半小时)

地址:观塘成业街15-17号成运工业大厦5楼29室

查询/6032 5758

5.镭射雕刻DIY!原木艺文小家品!

讲完男仔同女仔各自点呃Like,又不如一齐整D野呃啦,呢个有成篆刻、石头图像印章班发展到有十多种手工艺workshop嘅工作室,由艺术家Kady一人主理,最近仲入手咗流行嘅Laser Cut 镭射切割机,让参加者可以自製原木、灯、衣架、音乐盒等小家品!

 观塘 成业街 !玩味呃Like滋味行!
手製头像石章工作坊 $350/位
 观塘 成业街 !玩味呃Like滋味行!
原木音乐盒工作坊$420/位
 观塘 成业街 !玩味呃Like滋味行!
原木布莱灯工作坊 $525/位

炼石手创馆

地址:观塘成业街15-17 号成运工业大厦11楼32室

开班时间:11:30am – 9:30pm(须先预约 )

工作坊详情及收费

6.极精緻意法菜

要终极呃Like,就必定要去埋呢家专做高级意法菜嘅餐厅试试,适逢七及八月推出一周年Set Dinner,$480共七道菜周年餐,矜贵食材与极费心思的做法,慢煮和分子泡沫都有,摆盘更精緻如画,美得叫人捨不得吃。

 观塘 成业街 !玩味呃Like滋味行!
懧檬香草油浸挪威三文鱼|青豆蓉 |意大利烟肉|鱼子酱
 观塘 成业街 !玩味呃Like滋味行!
苏格兰式炸黑松露鹌鹑蛋 |蒜泥蛋黄酱 |五香粉鹌鹑 |砵酒汁
 观塘 成业街 !玩味呃Like滋味行!
自家製意式幼麵 |慢烩八爪鱼汁
 观塘 成业街 !玩味呃Like滋味行!
苹果柚子春卷|云呢拿雪糕|烩苹果和青苹果粒

Caldo Dining Room

地址:观塘成业街成运工业大厦5楼501室

电话:9512 5985

营业时间: 星期一至五 7pm – 10:30pm;

星期六及日 2pm-5pm,7pm-10:30pm

备注: 不设加一,只收现金。请预先致电订位。

您可能有兴趣文章:

推荐内容